وڪيپيڊيا:وڪيپيڊيا ايشيائي مهينو/2019

کليل ڄاڻ چيڪلي، وڪيپيڊيا مان
گهر ميڊيا 2022 2021 2020 2019 2018 2017 2016 2015
وڪيپيڊيا ايشيائي مھينو

وڪيپيڊيا ايشيائي مھينو وڪيپيڊيا ايشيائي مھينو ھڪ آن لائن ترميمي ڊوڙ آھي، جنھن جو مقصد ايشيا جي وڪيپيڊيا برادرين جي وچ ۾ موجود وڇوٽيءَ کي گھٽائڻ ۽ انھن کي ھڪ ٻئي جي ويجھو آڻڻ آھي. وڪيپيڊيا ايشيائي مهينو وڪيپيڊيا جي ھڪ سالياڻي ڇٽاڀيٽي (مقابلو) آهي جنهن ۾ مخصوص ٻولين جي وڪيپيڊيا ۾ ايشيائي مواد کي فروغ ڏيڻ تي ڌيان ڏنو ويندو آھي. هر حصو وٺندڙ برادري (ڪميونٽي) پنھنجي وڪيپيڊيا تي هر نومبر ۾ هڪ مهيني لاءِ آن لائن ترميمي ڊوڙ (ايڊٽ ٿان) ڪندي آھي تہ جيئن پنھنجي ملڪ کان الڳ ٻئي ڪنھن ايشيائي ملڪ جي موضوع بابت نئون مضمون تخليق ڪري سگھي يا اڳ کان موجود مضمونن کي سنواري بھتر بڻائي. ان ترميمي ڊوڙ ۾ ڀاڱيدار (حصو وٺندڙ) واپرائيندڙ رُڳو ايشيائي برادرين تائين محدود ناھين.

هن مقابلي جو پهريون ورجاءُ 2015 ۾ شروع ڪيو ويو ۽ هر سال مضمونن جو تعداد وڌيو آهي ۽ شرڪت ڪندڙ انيڪتا ۽ وڌيا آھن.گذريل ٽن سالن ۾، 2،000 کان وڌيڪ وڪيپيڊيا ايڊٽرن طرفان 50 کان وڌيڪ مخصوص وڪيپيڊيائن ۾ 20،500 کان مٿي اعليٰ معيار وارا مضمون شامل ڪيا ويا آهن. وڪيپيڊيا ايشيائي برادري (ڪميونٽي) جي دوستي ۽ ثقافتي مٽاسٽا جي ھڪ ڀاڱي طور، شرڪت ڪندڙ جيڪي گهٽ ۾ گهٽ چار مضمون (آرٽيڪل) ٺاھي وٺندا آهن سي هڪ ٻئي شرڪت ڪندڙ ڪميونٽي کان خاص وڪيپيڊيا پوسٽ ڪارڊ ماڻيندا آھن. اچرج (حيرت) ٿيڻ لاءِ تيار ٿي وڃو! توهانکي ڪڏهن بہ پَروڙ ناهي تہ ڪھڙي وڪي برادري (Wiki ڪميونٽي) توهان کي پوسٽ ڪارڊ موڪلڻ واري آھي! وڪيپيڊئن (وڪيپيڊيا واپرائيندڙ) جيڪي هر وڪيپيڊيا تي سڀ کان وڌيڪ مضمون آڻيندا آهن انهن کي "وڪيپيڊيا ايشيائي سفير" طور عزت (ايوارڊ/اعزاز) ڏنو ويندو آھي.

اصول

مختصر لفظن ۾ : ايشيائي موضوعن (ماڻهن، ماڳن، ثقافت وغيره) تي اھڙا نوان مضمون جيڪي حوالا سميت گھٽ ۾ گھٽ 3000 بائٽ ۽ 300 لفظن تي جڙيل ھجن ۽ نومبر 2019ع ۾ ٺھيل/لکيل ھجن. فهرستون اهل ناهين.

تفصيل:

  • توهان پاران مضمون نئون/تازو جڙيل/لکيل هجي (يعني اڻپورو (ڪچو مضمون) کي وڌائڻ، سنوارڻ شامل ناهي) يعني جن کي 1 نومبر 2019 00:00ع کان 30 نومبر 2019ع 23:59 جي وچ ۾ لکيو ويو ھجي.
    • ايران ۾ هڪ هفتو تائين انٽرنيٽ بندش (بلاڪ) هئڻ جي پيش نظر نومبر جي آخر ۾ ختم ٿيندڙ هن مضمون نويسي جي ترميم ڊوڙ کي وڌيڪ هڪ هفتو (۷ ڊسمبر رات ۱۲ بجي) تائين وَاڌارو ڪيو ويو آهي.
  • مضمون گھٽ ۾ گھٽ 3،000 بائيٽ ۽ تقريباً 300 لفظن تي جڙيل ھجن. (انفوباڪس ، ٽيمپليٽ وغيرہ جي سنوار نه ڳڻي ويندي)
  • مضمون لازمي طور وڪيپيڊيا معروفيت واري اهليت جي معيار تي پورا لهندا هجن.
  • مضمون ۾ مناسب مهذب حوالا (ريفرنسز) هجڻ ضروري آهن، مضمون ۾ مشڪوڪ يا تڪراري مواد جي توثيق لاڳاپيل مضمون جي درج حوالا تان هجڻ گهرجي. حوالا ڪيئن داخل ڪرڻ لاءِ ڏسو
  • مضمون خالص (مڪمل طور) مشين ترجمو نه هجڻ گهرجن ۽ اهي صحيح طريقي سان ڪاپي ايڊت ڪيا وڃن.
  • مضمون ۾ ڪي به وڏا مسئلا نه هجڻ گهرجي (جهڙوڪ، ڪاپي رائيٽ جي خلاف ورزي نه هجي، معروفيت جا سوال، وغيره).
  • مضمون فھرست جي شڪل ۾ نہ ھجن.
  • اھڙي فھرست قابل قبول آھي جيڪا سھولت جي غرض سان ٺاھي وئي ھجي (ھي اختيار صرف چونڊ مضمونن جي لاءِ آھي)
  • مضمون معلومات ڀريا ھجن.
  • مضمون صرف ايشيائي ملڪن ۽ علائقن سان لاڳاپيل ھجن (مضمون نويس واپرائيندڙ پنھنجي ملڪ سان لاڳاپيل موضوعن تي نہ لکي، مثال طور پاڪستاني واپرائيندڙ پاڪستان سان لاڳاپيل مضمون تحرير نہ ڪن، پر پاڪستان کانسواءِ ٻئي ڪنھن بہ ايشيائي ملڪ بابت مضمون لکن)
  • منتظم (ناظم) پاران جمع ڪرايل مضمونن کي ٻيا ناظم (مقامي توڙي عالمي) يا منتظم چڪاسيندا.
  • هر ٻوليءَ کان وڪيپيڊيا جا جج اندازو لڳائيندا ۽ طئي ڪندا ته ڇا سندن ٻوليءَ جي وڪيپيڊيا ان رٿا (مقابلي) ۾ مضمون قبوليو ويو يا نه.
  • جڏهن توهان 4 مضمون (آرٽيڪل) ٺاهيون ٿا جيڪي مٿئين قاعدن تي پورو لهن ٿا، ته پوءِ توهان ايشيائي برادرين مان هڪ برادري کان وام پوسٽ ڪارڊ وصول ڪندا، جيڪو توهان کي ٽپال وسيلي موڪليو ويندو.
  • وڪيپيڊيا ايشيائي سفيرن کي ايشيائي برادرين پاران هڪ تصديق ۽ دستخط ٿيل سند (سرٽيفڪيٽ) ملندو. وڌيڪ معلومات لاءِ اڪثر پڇيا ويندڙ سوال ڏسو.

داخلا

You can sign up any time through the month of November.

پنھنجي ڪم (مضمون) جي داخلا ڪيئن ڪجي

جيڪڏھن توھان پھرين نومبر 2019ع کان 30 نومبر 2019ع جي وچ ۾ ڪو مضمون لکيو آھي، جيڪو ايشيا کنڊ سان لاڳاپيل ڪنھن بہ موضوع تي آھي، ان جو وزن 3000 بائيٽ آھي ۽ ان ۾ حوالا ۽ ڄاڻ خانن (انفوباڪس) کان سواءِ، 300 لفظ (گھٽ ۾ گھٽ حد) آھن، تہ توھان ۽ سبمٽ (جمع) تي ٺڙڪ ڪري پنھنجي مضمون (جنھن واپرائيندڙ مضمون شروع ڪيو، اھو ئي داخل ڪرائي سگھي ٿو ٻئي جو مضمون توھان جي نالي سان، يا توھان جو مضمون ڪنھن ٻئي واپرائيندڙ سان ھتي داخل ٿي نہ سگھندو) جو نالو لکو ۽ اڳئيون (نيڪسٽ) تي ٺڙڪ ڪريو، جيڪڏھن توھان جو مضمون لاڳاپيل شرطن تي پورو لھي ٿو، تہ تڏھن ئي ھيٺ اڳئين (نيڪسٽ) تي ٺڙڪ ڪري سگھندئو. اھڙي طرح توھان جي ڪم جي داخلا ٿي ويندي.


ناظم

اڳوڻيون ڊوڙون